O lume, detectado arredor das 15:00 horas, orixinouse preto da fonte da capela, nunha área de difícil acceso para os equipos de extinción. A situación levou á Policía Local a interromper o paso tanto polo camiño de terra como pola estrada, afectando a mobilidade na zona.

No operativo de extinción participan cinco axentes forestais que xa estaban na zona cubrindo a romaría, xunto con efectivos dos Bombeiros de Ferrol e membros de Protección Civil. As altas temperaturas, que rozaron os 30 graos, e a ausencia de choivas nos días previos, deixaron o terreo especialmente seco, mentres que a brisa dificultaba as tarefas de control do lume.

Como consecuencia do incidente, o servizo de autobús que habitualmente subía e baixaba á romaría tamén foi suspendido, xa que tiña previsto retomar a súa actividade ás 16:00 horas. Os equipos continúan traballando intensamente para sufocar as lapas.