A iniciativa, que xa cumpre oito anos, busca a protección de contornas acuáticas e a biodiversidade, ademais de fomentar a economía circular. A xornada contou coa colaboración de Equiocio Social, a Asociación Chelonia e voluntarios de Coca-Cola Europacific Partners.
Os participantes lograron recoller 250,82 quilos de residuos, que foron clasificados pola Asociación Chelonia para a súa posterior reciclaxe. Os datos recompilados engadiranse á base de datos do proxecto, que monitoriza 1.163 puntos dende 2018, achegando información valiosa para investigadores e científicos na conservación dos ecosistemas mariños.
Equiocio Ferrol reafirma así o seu compromiso coa contorna que acolle o seu evento anual, restaurando o seu estado orixinal. O Campo de As Cabazas, de gran valor ecolóxico e propiedade da Comunidade de Montes Veciñais en Man Común de Covas e Esmelle, é coidado e conservado por Equiocio Ferrol durante todo o ano.
“"A importancia das alianzas e colaboracións para conseguir obxectivos como os propostos por Mares Circulares para conseguir un mundo e un entorno mariño sen residuos. Resulta necesario actuar para preservar estes ecosistemas e concienciar da necesidade de pór en marcha accións que fomenten a economía circular."
Domínguez tamén destacou a base de datos do proxecto, que tras case sete anos, ofrece información de interese á comunidade científica para buscar solucións aos problemas ambientais. Agradeceu o labor dos voluntarios, cualificándoos como un gran exemplo do que se pode lograr traballando en equipo.
A nivel estatal, o programa Mares Circulares recolleu en 2025 máis de 350 toneladas de residuos, grazas á participación de 7.064 voluntarios e 14 portos pesqueiros. Realizáronse 139 actuacións de limpeza en praias e contornas acuáticas, ademais de 7 reservas mariñas e espazos naturais protexidos.
Mares Circulares, impulsado por Coca-Cola en España e Portugal dende 2018, busca conectar océanos, territorios e persoas cun futuro sostible. O proxecto céntrase na sensibilización ambiental, a conservación de ecosistemas mariños e a investigación, incluíndo bio-intervencións e o impulso ao protocolo de pesca pasiva de lixo mariño.
