A achega provincial ascende a 150.000 euros, o que representa o 58% do orzamento total para este proxecto. Estímase que as obras terán unha duración de seis meses. O novo inmoble, dunha soa planta, ocupará unha superficie de 346 metros cadrados e disporá dunha sala multiusos de 41 metros cadrados, un ximnasio de 122 metros cadrados e vestiarios masculinos e femininos que suman preto de 100 metros cadrados, ademais de almacén e zonas de servizo.
“"É un espazo pensado para a xente, para que os veciños teñan onde reunir, facer deporte e tempo en común. Cada investimento nos concellos ten que ter ese sentido: resolver necesidades reais e mellorar a vida cotiá."
Pola súa banda, o alcalde da localidade destacou que esta é unha “obra moi esperada” que permitirá dotar a Caamouco dun equipamento do que carecía, revitalizando un espazo sen instalacións adecuadas ata o momento.
Ademais, a visita institucional incluíu a entrega de dúas furgonetas, valoradas en 25.000 euros cada unha, ao Club de Remo de Ares e ao Club Náutico Ría de Ares, co obxectivo de facilitar o desprazamento dos equipos e apoiar o deporte base. Tamén se abordou a rehabilitación interior da reitoral de Ares, un ben patrimonial en desuso, cun investimento de 146.774,45 euros para adaptalo a usos sociocomunitarios.
Desde o ano 2017, a Deputación da Coruña investiu preto de 16 millóns de euros no municipio de Ares. Esta cifra inclúe 5.417.245 euros do Plan Único para 34 obras e servizos, máis de seis millóns en subvencións e 3,3 millóns destinados á rede provincial de estradas. Os programas do Plan de Emprego Local mobilizaron 920.712 euros, creando 127 postos de traballo na zona.
