Das 9.563 persoas aspirantes ás prazas convocadas, 8.366 opositores acudiron á realización do exame. En concreto, para a categoría de técnico en coidados auxiliares de enfermería, de 9.557 opositores (9.541 da quenda xeral e 16 da quenda de discapacidade intelectual), acudiron 8.344 da quenda xeral (87,4 %) e os 16 aspirantes da quenda de discapacidade intelectual (100 %).
Na categoría de técnico de farmacia (quenda discapacidade intelectual), realizaron o exame os 6 aspirantes inscritos (100 %).
Durante esta fin de semana, o Servizo Galego de Saúde (Sergas) desenvolveu exames para un total de 1.471 prazas de oito categorías profesionais. O sábado pola mañá, as probas de técnico de farmacia, logopedista e condutor tiveron unha participación do 78,79 %, con 1.545 opositores de 1.961 inscritos. Por especialidades, 1.007 de 1.273 en técnico de farmacia (79,1 %), 200 de 219 en logopedista (91,3 %) e 338 de 469 en condutor (72 %).
A quenda de tarde do sábado contou coa participación de 2.131 opositores de 2.574 admitidos. Destacan os 719 de 870 en fisioterapeuta (82,6 %), 1.190 de 1.407 en técnico superior en imaxe para o diagnóstico (84,6 %), 124 de 156 en fontaneiro (79,5 %) e 98 de 141 en técnico especialista en sistemas e tecnoloxías da información (69,5 %).
O Sergas continuará coas probas de acceso o vindeiro domingo 8 de novembro para médico de admisión e documentación clínica, técnico superior en sistemas e tecnoloxías da información, traballador social, mecánico e grupo auxiliar da función administrativa. As fins de semana do 14 e 15 de novembro haberá exames para médico xeral de ADOS, farmacéutico de atención primaria, odontólogo de atención primaria, técnico de xestión en sistemas e tecnoloxías da información, calefactor, celador, médico asistencial do 061, terapeuta ocupacional, dietista-nutricionista e electricista. Neste outono, o Sergas ofertará 2.223 prazas en 23 categorías.
