A proba, organizada polo Concello da Coruña, levou o atletismo popular aos barrios da cidade, combinando a competición coa promoción de hábitos de vida saudables.
Na categoría absoluta, Esteban Díaz Pérez gañou a proba masculina cun tempo de 20:30, mentres que Clara Díaz Martín foi a vencedora feminina con 24:33. Completaron o podio masculino Bruno Riadigos Piñeiro (20:37) e Bruno Salido Jove (20:42). En feminina, Vanessa Hervada López foi segunda (25:26) e Noelia Papín Estévez terceira (25:56).
A carreira principal, de 5.850 metros, arrincou ás 10:00 horas e combinou asfalto e terra polo Ventorrillo e a contorna da Silva.
Posteriormente, desenvolvéronse as carreiras de categorías inferiores (sub-18 ata peques) con percorridos adaptados de entre 110 e 2.550 metros.
O concelleiro de Deportes, Manuel Vázquez, destacou a importancia do circuíto Coruña Corre, impulsado polo Goberno de Inés Rey, para fomentar o deporte e achegalo aos barrios.
A carreira do Ventorrillo marca a recta final do XIII Circuíto de Carreiras Populares Coruña Corre, que concluirá o 22 de novembro coa XIV Carreira Popular de Novo Mesoiro.
