O proceso dividirase en dúas quendas durante a xornada. Ás 9.00 horas comezarán os exames para as 29 prazas de bombeiro forestal xefe de brigada, cun total de 733 persoas citadas. Pola tarde, a partir das 15.30 horas, será a quenda dos 1.960 aspirantes que optan a unha das 199 prazas de bombeiro forestal.

Para garantir o correcto desenvolvemento das probas, a Xunta de Galicia despregará un operativo de seguridade formado por preto de 90 profesionais. Ademais, o recinto contará cunha ambulancia medicalizada para atender calquera incidencia sanitaria que poida xurdir entre os participantes.

A información detallada sobre o desenvolvemento dos exames e as medidas de seguridade establecidas para esta convocatoria pública atópase dispoñible para consulta no portal corporativo do Goberno galego.