Estas probas teñen como obxectivo que aquelas persoas que non dispoñan do título de Educación Secundaria Obrigatoria (ESO) ou de Bacharelato poidan acreditar os seus coñecementos e acceder así á formación para o emprego e aos certificados profesionais que esixen estes requisitos académicos.

Segundo recolle a Xunta, a finalidade última é aumentar a calidade da formación, axustala á demanda de cualificación profesional e mellorar as oportunidades de inserción das persoas desempregadas.

En total, foron admitidas 1.259 persoas para o nivel 2 de cualificación e 681 para o nivel 3. No nivel 2 destacan as inscricións en matemáticas, seguidas de galego, castelán e inglés. Pola súa banda, no nivel 3 encabezan, por igual, as inscricións en matemáticas e castelán, seguidas de galego e inglés.