O III Torneo do Apóstolo Xacobeo de Golf celebrouse hoxe, 26 de xullo de 2026, nas instalacións de Compostela Golf, na Sionlla. O evento contou coa presenza do comisario do Xacobeo 2027, Marcos Gómez Román, quen participou na entrega de galardóns.
Esta cita, que conta co apoio da Xunta de Galicia, serve como antesala á celebración do Xacobeo 2027. O torneo reuniu a xogadores afeccionados nunha xornada marcada pola convivencia e a práctica deportiva.
Dende a organización sinalan que este tipo de eventos axudan a proxectar a imaxe de Galicia a través do deporte, fomentando propostas que complementan os principais atractivos turísticos da Comunidade Autónoma.
