O lume, que se orixinou na tarde do mércores, foi declarado estabilizado ás 08:42 horas deste xoves. As estimacións provisionais apuntan a unha superficie afectada duns 30 hectáreas, pendentes da medición definitiva unha vez se logre a total extinción.
O operativo de extinción despregado desde o inicio do incendio foi considerable. Incluíu catro técnicos, 19 axentes, 21 brigadas e 20 motobombas, ademais de catro pas e dúas unidades técnicas de apoio por terra. A estes sumáronse medios aéreos, con cinco helicópteros e catro avións que colaboraron no ataque ao lume cando as condicións o permitiron.
“"A cidadanía pode comunicar a detección dun incendio forestal a través do teléfono gratuíto 085 ou da aplicación móbil Alume."
A Xunta de Galicia recorda á cidadanía a importancia de comunicar calquera detección de incendio forestal chamando ao teléfono gratuíto 085 ou utilizando a aplicación móbil Alume, dispoñible para informar sobre lumes activos en Galicia.
