Durante o evento, celebrado o pasado mércores pola mañá, proporcionouse información detallada sobre os requisitos de acceso, os prazos establecidos e a documentación necesaria para levar a cabo o proceso. Tamén se explicaron as diferenzas entre as diversas vías de regularización existentes e as implicacións prácticas que este procedemento pode ter para os solicitantes e as súas familias.
Un dos puntos clave nos que se fixo fincapé foi a habilitación provisional para residir e traballar mentres se tramita a solicitude, un aspecto de grande interese para os asistentes.
“"Moitas persoas precisan saber se poden acollerse á regularización extraordinaria e que pasos deben dar para preparar o seu expediente. O obxectivo é favorecer procesos de inclusión social e laboral en condicións de maior dignidade."
A regularización extraordinaria, froito dunha reforma do Regulamento de Estranxeiría impulsada polo Goberno de España, pode solicitarse ata o vindeiro 30 de xuño. Esta reforma introduce novas autorizacións por circunstancias excepcionais, tanto para persoas que solicitan protección internacional como para aquelas en situación administrativa irregular que cumpran con determinados requisitos.
