Lorenzana recoñeceu o labor de empresas como o Grupo Regueira, que ofrece aos talleres un servizo integral con asistencia técnica e formación clave, fronte á transformación que supoñen a dixitalización, a conectividade e os novos modelos de mobilidade.
A conselleira asegurou que Galicia ten motivos para sentirse orgullosa do seu ecosistema da industria da automoción, un sector que se está a situar á vangarda grazas á capacidade de empresas e profesionais para reinventarse e responder ás demandas do mercado.
Estas xornadas demostran que o éxito do sector non depende só da capacidade produtiva, senón tamén "da súa capacidade para aprender, colaborar e anticiparse aos cambios", afirmou.
En 2025, o sector galego da automoción alcanzou unha cifra récord de facturación de 13.300 millóns de euros, un 5% máis que o ano anterior, e xerou 23.900 postos de traballo directo, representando o 12% do emprego industrial en Galicia.
