Esta decisión forma parte dun ERE máis amplo anunciado pola compañía, que prevé impactar a un máximo de 300 empregados en todo o territorio español. O comité de empresa da factoría de Pontecesures expresou o seu "rexeitamento frontal" ás saídas propostas pola dirección durante a reunión para a constitución da mesa negociadora.
“"As medidas propostas pola empresa suporían a afectación directa de 27 persoas en Galicia e, por tanto, de 27 familias, o que consideramos un impacto social de gran relevancia na contorna."
Os representantes dos traballadores alertan de que o centro de Pontecesures é o máis prexudicado en relación ao seu tamaño e número de empregados en comparación co resto das plantas implicadas. Esta situación, segundo o comité, "evidencia un trato desproporcionado cara á plantilla desta factoría" e pon en risco a estabilidade laboral e o futuro industrial do centro galego, considerado estratéxico.
