O suceso, ocorrido no termo municipal de Caldas de Reis, involucrou a un camión e dúas furgonetas. A central do 112 Galicia recibiu o aviso a través de testemuñas presenciais e dun dos condutores implicados no choque.
Aínda que un dos afectados solicitou asistencia sanitaria, os equipos de intervención confirmaron que non foi necesaria a excarceración de ningunha persoa, xa que ninguén quedou retido dentro dos vehículos.
Ata o lugar desprazáronse efectivos de Urxencias Sanitarias, patrullas da Garda Civil de Tráfico, membros de Protección Civil de Cuntis e operarios do servizo de mantemento da vía para asegurar a zona e restablecer a normalidade na circulación.
