Centos de persoas participaron na marcha que percorreu as rúas de Pontecesures, partindo da Praza Pontevedra e finalizando no barrio A Cova, onde se atopa o centro de produción. Alí, a presidenta do comité, Sandra Seoane (CIG), leu un comunicado cualificando a medida de "inxustificada" e criticando a xestión da empresa.

A compañía Nestlé España comunicou que o despedimento colectivo afectará a 301 traballadores en toda España, incluíndo empregos de oficinas, equipos de vendas, centros de distribución e produción. Na planta galega, os postos sinalados son 27.

Durante o percorrido, escoitáronse cánticos como "Non ao ERE de Nestlé", "O meu sacrificio, o seu beneficio" ou "Nestlé escoita, estamos en loita". Ao remate, os manifestantes descabezaron un boneco que representaba a Pablo Isla, presidente da compañía dende setembro de 2025.

O axuste anunciado por Nestlé España tamén afectará a outros centros de produción no estado, como Sebares (Asturias), La Penilla (Cantabria), Miajadas (Cáceres), Reus (Tarragona) e Girona.