O concerto terá lugar na praza Irmáns Dios Mosquera ás 23:00 horas, coincidindo coa XXXVI Festa da Anguía e Mostra da Caña do País. Esta proposta artística galega fusiona o folk celta coa enerxía do rock, combinando música ao vivo, danza, teatralidade e o elemento simbólico do lume.
O Bruxo Queiman está acompañado por músicos, cantantes e corpo de baile con traxectoria en Galicia, Portugal e o territorio nacional. O espectáculo busca representar a identidade galega contemporánea, mantendo vivas as súas tradicións cunha presentación moderna e emocional.
O programa Son Verán da Deputación busca espallar a oferta cultural e musical pola provincia durante o verán, con propostas alternativas ás programadas polos concellos. Inclúe catro grandes bloques: ópera, musical, tradicional – celta e músicas do mundo, con 13 actuacións en 8 comarcas.
O circuíto xa pasou por concellos como Vilanova de Arousa, Caldas de Reis e Forcarei, e continuará en setembro por outras localidades como Cangas de Morrazo, A Guarda, Marín, As Neves, O Porriño e Redondela. O espectáculo de O Bruxo Queiman tamén se representará no Porriño o 26 de setembro.
