A Deputación de Pontevedra aprobou unha achega de case 35.000 euros destinada ao Concello de Pontecesures. Estes fondos, procedentes do Plan +Provincia, financiarán integramente a pavimentación dun camiño na localidade de Carreiras.
O concello recibirá este ano máis de 740.000 euros do Plan +Provincia, sumando os preto de 438.000 euros do 2026 e un adianto de máis de 306.000 euros da liña de investimentos do 2027.
A actuación incluirá a demolición e reposición dos muros de pedra de contención das parcelas afectadas polo ensanche do camiño, mantendo a estética actual. Tamén se reporá unha escaleira de acceso e disporase dun novo peche para as parcelas.
Finalmente, o proxecto completarase coa pavimentación do sendeiro de subida, o fresado e a repavimentación total do camiño con mestura bituminosa. Se fose necesario, tamén se axustarán as tapas de rexistro e repararanse os servizos afectados polas obras.
