O Concello de Caldas de Reis acaba de abrir as portas ao público o complexo Entreaugas, popularmente coñecido como As Pozas da Tafona. Este novo espazo, situado no corazón da vila onde conflúen os ríos Umia e Bermaña, ofrece unha oportunidade para o esparcimento e a reconexión coa natureza.
O acceso a este complexo de ocio, saúde e relaxación é libre e gratuíto. Estará aberto á cidadanía de luns a domingo, en horario de 15:00 a 21:00 horas. A instalación conta con cinco pozas de diferentes tamaños, alimentadas pola auga da fonte de A Burga, que mantén unha temperatura agradable duns vinte e cinco graos centígrados.
“"Este complexo de ocio, saúde e relax será un gran revulsivo para a nosa vila. Abrimos este espazo para que todos os veciños e veciñas o fagan seu."
Segundo fontes municipais, este lugar deséñase como un punto de encontro para "disfrutar, parar, respirar e reconectar coa esencia da nosa vila". A apertura deste espazo foi esperada por moitos veciños durante anos, segundo se desprende dun vídeo promocional difundido nas redes sociais.
