O alcalde, Sergio Platas, aclarou que non houbo unha diminución das prestacións, senón unha ampliación horaria para incorporar novas persoas dependentes. Sinalou que a lista de espera reduciuse significativamente dende xuño de 2023, pasando de 49 persoas a tan só dúas na actualidade.
Platas engadiu que o orzamento destinado ao SAF conta coas partidas máis elevadas da historia da Administración local. O Goberno municipal busca garantir a cobertura básica ao maior número posible de cidadáns dependentes, seguindo unha política de distribución equitativa e evitando que persoas vulnerables queden sen atención.
“"Paderne busca garantir a cobertura básica do maior número posible de persoas dependentes, evitando que persoas vulnerables queden sen atención"
O Concello detalla que as ampliacións de horas se realizan tendo en conta as necesidades específicas de cada familia e valorando cada caso particular. Actualmente, hai dúas persoas en lista de espera no grao 1 de dependencia moderada.
A Administración local orienta a prestación do Servizo de Axuda no Fogar baixo os principios de calidade, equidade, eficiencia e atención centrada na persoa, outorgando especial relevancia ao criterio técnico-profesional na valoración das necesidades e na determinación da intervención máis axeitada.
