O proceso de selección xa está en marcha para cubrir diversas posicións, tanto nos supermercados da cadea como nas áreas de loxística e almacén. As plataformas afectadas inclúen a sede central no Polígono de Piadela en Betanzos e a de Medina del Campo.

A compañía destaca que a iniciativa forma parte da súa estratexia para manter a calidade do servizo aos clientes fronte á maior demanda esperada nos próximos meses. Os interesados poden presentar as súas candidaturas a través do portal de emprego da empresa, emprego.gadisa.es.

Ademais, Gadis ofrece cursos de formación ocupacional, especialmente para o persoal que se incorpora ás seccións de produto fresco. O obxectivo é mellorar o desempeño profesional e asegurar unha atención óptima, xa que a cadea promove a venda asistida en mostrador tradicional para enriquecer a experiencia de compra.