Dúas especialistas, a bióloga Isabel Segura e a enxeñeira medioambiental Alba Vázquez, achegaron datos técnicos e ambientais sobre o proxecto mineiro Don Sebastián 7147 e o permiso de investigación Jorge Reyes 7148, ambos orientados á extracción de caolín na parroquia de Coéns.
A xuntanza, organizada pola Plataforma en contra da mina de Coéns, permitiu aos asistentes comprender mellor o alcance destas iniciativas e as súas potenciais repercusións no territorio, o medio natural, os recursos hídricos e a economía da comarca. Tamén se resolveron numerosas dúbidas técnicas e administrativas.
As persoas asistentes coñecesen con maior profundidade o alcance destas iniciativas e as posibles consecuencias que poderían ter sobre o territorio, o medio natural, os recursos hídricos e a actividade socioeconómica da comarca.
Serviu tamén para resolver numerosas dúbidas formuladas pola veciñanza, xerando un espazo de diálogo e participación no que se puideron aclarar cuestións técnicas e administrativas relacionadas cos expedientes mineiros.
Durante o encontro, realizouse unha recollida de sinaturas para apoiar o recurso de reposición contra o permiso de investigación Jorge Reyes 7148. Ademais, solicitouse ao alcalde que adopte unha posición clara e pública fronte ao proxecto mineiro, defendendo os intereses da veciñanza.
Dende a plataforma destacaron o interese e a alta participación, que reflicten a crecente preocupación social ante estes proxectos e a vontade cidadá de estar informada e participar nas decisións que afectan ao seu contorno.
