Esta intervención inicial permitiu optimizar a conexión entre ambos os areais, facilitando o tránsito a pé e contribuíndo á posta en valor dunha das contornas costeiras máis singulares do municipio de Ponteceso.
A execución das obras foi posible grazas a unha subvención concedida pola Axencia Galega de Turismo. Esta colaboración institucional enmárcase na estratexia local para fomentar un modelo de turismo sostible, baseado na conservación e na mellora dos recursos naturais e públicos da zona.
O equipo de goberno municipal destacou que este proxecto responde ao compromiso de ofrecer espazos máis seguros e atractivos, tanto para a veciñanza como para as persoas que visitan o litoral galego.
