O suceso produciuse cando o condutor do tractor baixou do vehículo sen inmobilizalo previamente. Nese momento, a maquinaria comezou a desprazarse, acabando por atropelar o propio condutor e atrapalo debaixo.
O servizo de emerxencias recibiu o aviso ás 11.40 horas a través dun particular que alertaba de que un mozo fora atropelado e se atopaba inconsciente e atrapado baixo o tractor.
“"O mozo foi liberado polos Bombeiros de Carballo e posteriormente atendido polo persoal sanitario."
Debido á gravidade das feridas, decidiuse mobilizar o helicóptero medicalizado con base en Santiago de Compostela para o seu traslado ao centro hospitalario de referencia.
No operativo tamén interviron efectivos da Policía Local, Garda Civil e Protección Civil, ademais dos Bombeiros de Carballo e o persoal sanitario.
