Os axentes do Equipo ROCA de Carballo puxeron fin á investigación que culminou co arresto do sospeitoso. Ademais dos delitos patrimoniais, ao detido atribúeselle tamén un delito contra a seguridade vial por conducir sen obter nunca o permiso de conducir correspondente.
A investigación iniciouse tras detectarse un aumento de delitos contra o patrimonio na zona de aparcamento dunha popular ruta de sendeirismo en Zas. O presunto autor aproveitaba a afluencia de visitantes para cometer os roubos mentres estes realizaban actividades ao aire libre.
O método empregado consistía en forzar a ventá do vehículo cun desaparafusador ou ferramenta similar para acceder ao interior e subtraer obxectos de valor como bolsos, carteiras, xoias, equipos informáticos, teléfonos móbiles e diñeiro en efectivo. A valoración total dos obxectos roubados e os danos materiais nos vehículos supera os 15.000 euros.
Tras analizar os indicios, os axentes identificaron e interceptaron ao sospeitoso o pasado 17 de maio. Comprobouse entón que carecía do permiso de conducir. O arrestado e as dilixencias foron postos a disposición do Xulgado de Garda de Corcubión.
