Durante o encontro, a conselleira do Mar, acompañada polo presidente de Portos de Galicia, José Antonio Álvarez, mantivo unha xuntanza co director do departamento de Expansión da conserveira, Odilo Romero. Esta reunión forma parte dunha serie de contactos que a dirixente autonómica está a realizar cos diversos axentes do sector marítimo-pesqueiro e portuario.
O representante da firma con sede en Boiro informou sobre a evolución da actividade da conserveira, situada no porto autonómico de Bodión. A conselleira, pola súa banda, reafirmou o compromiso da Xunta coa cadea mar-industria e, en particular, con Jealsa.
“"A empresa mantén do Barbanza o 62% do seu cadro de persoal, que conforman 4.500 profesionais."
Neste contexto, a conselleira lembrou que Portos de Galicia concedeu a Jealsa unha prórroga extraordinaria do prazo concesional das súas instalacións, estendéndoo ata os 75 anos, debido ao seu interese estratéxico para a rexión.
