As festas de As Neves en Maceda comezan o vindeiro mércores 5 de agosto e prolongaranse ata o xoves 13, ofrecendo un amplo abanico de actividades para todos os públicos. A programación deseñada busca encher a vila ourensá de celebracións con propostas como cine na rúa, actuacións musicais e festas infantís.
O programa arranca o mércores 5 de agosto coa proxección de cine na rúa con rondallas ás 22:30 h na Aira das Mantas. O xoves 6 de agosto haberá concertos a partir das 23:00 h, coa actuación de Lembra Xabarín, tributo a Xabarín Club, seguida de Kike Varela + Twentytwoclub.
O venres 7 de agosto, a festa continuará cunha festa infantil na piscina de Maceda ás 17:00 h, seguida da XVIII Cea Popular e pregón na Praza das Toldas ás 21:30 h. A noite culminará cunha verbena con Os Festicultores e discomóvil.
A fin de semana traerá máis actividades, como a sesión vermú con Banda de Santádega o sábado 8 de agosto ás 13:00 h na Praza Benigno Álvarez, o II Torneo de Ajedrez «Vila de Maceda» na Rúa Lúa ás 16:00 h, e actuacións de Os do Fuelle, Orquesta La Oca Band e Zeppelin Remember. A xornada rematará cunha discomóvil.
O domingo 9 de agosto haberá misa, procesión e sesión vermú con Coral Albricias e Banda de Música e Cultura de Galicia na Praza das Toldas ás 12:00 h. Pola tarde, actuará a Banda de Gaitas de Maceda e tamén La Fórmula, que repetirá na verbena nocturna xunto a Stormseeds e Apocalipsis On Tour.
A semana continuará con sesións vermú con Mino o luns 10 de agosto e Banda Liradavia o martes 11 de agosto. Tamén haberá actuacións de Os Xuncos, Grupo Recuerdos, Horizonthe Show, Os Chouteiros e Pandereteiras do Castelo, Antonio Barros e Ialma, e a verbena Macedance con varios artistas.
As festas pecharanse o xoves 13 de agosto coas Xornadas de folclore no Parque O Toural, con representación de Armenia, México e Kenia.
