O encontro serviu para que o rexedor trasladase persoalmente os seus parabéns a Pereira Sardi, quen asume esta responsabilidade tras unha extensa carreira no ámbito xurídico. O Consulado Honorario de México en Galicia, con sede en Ourense, foi inaugurado o pasado mes de xuño.
Durante a recepción, Luis Piña subliñou a longa relación profesional que o Concello da Cañiza mantén co despacho de avogados de Alfonso Pereira, recoñecendo a súa profesionalidade e coñecemento xurídico.
“"Como Alcalde da Caniza é unha satisfacción recibir a Alfonso Pereira neste momento tan importante. Levamos anos traballando con el e co seu despacho, polo que coñecemos de primeira man a súa profesionalidade e compromiso. Estamos seguros de que asumirá esta nova responsabilidade con gran dedicación e queremos desexarlle todo o éxito nesta etapa."
Pola súa banda, o novo cónsul comprometeuse a traballar para explorar oportunidades que beneficien ao municipio da Cañiza. Luis Piña tamén fixo fincapé na dimensión humana da función consular e na relevancia dos lazos entre Galicia e México.
“"Alfonso poderá desenvolver un magnífico labor e serán moitos os mexicanos e mexicanas que poderán contar coa súa experiencia e coñecemento. Desde A Caniza desexámoslle moitos éxitos como Cónsul Honorario."
