O Concello de A Cañiza presentou unha solicitude de subvención ante a Deputación de Pontevedra para a contratación de dúas persoas con titulación en Dereito. Esta iniciativa enmárcase no programa "Emprega nos Concellos", cuxas bases foron publicadas no BOPPO nº 188 do 30 de setembro de 2026.
Os/as candidatos/as interesados/as en participar no procedemento de selección deberán ser remitidos como consecuencia da oferta de emprego emitida polo Concello e tramitada na oficina do Servizo Público de Emprego de Galicia.
A solicitude de subvención está destinada á contratación de dúas persoas con titulación universitaria en Dereito. O procedemento de selección iniciarase unha vez se reciba a resolución positiva da concesión da subvención.
As bases específicas do procedemento poderán consultarse, unha vez iniciado, no taboleiro de anuncios da Casa Consistorial do Concello e na sede electrónica: https://caniza.sedelectronica.es.
