O suceso ocorreu preto das 14:45 horas, cando o 061 alertou ao 112 Galicia do accidente. Un amigo do falecido foi quen deu a voz de alarma tras perder de vista ao mozo.
O 112 Galicia informou de inmediato a Salvamento Marítimo e a Gardacostas de Galicia, que desprazaron ata o lugar un helicóptero e unha embarcación. Tamén se deron a coñecer os feitos á Garda Civil, Policía Local e Protección Civil.
Tras avistar o corpo do varón, o helicóptero realizou as manobras de rescate dende o acantilado. A vítima foi trasladada ao punto onde se atopaba o persoal sanitario, quen confirmou o seu falecemento.
