A festa conta coa colaboración da Consellería do Mar, o Concello de Ribadeo, Xacobeo 2027 e a Unión Europea. A concelleira de Turismo, Marta Saiz, anunciou que a partir das doce da mañá haberá degustación de mexillóns, ostras da ría e empanada na carpa instalada a carón da lonxa. A xornada estará amenizada con música tradicional en directo.
A edil ribadense destacou que o evento busca "poñer en valor o produto do mar e da nosa ría, así como a música tradicional e a nosa cultura". Animou a veciños e visitantes a achegarse á lonxa de Ribadeo para gozar dunha xornada diferente e agradeceu a organización á asociación Catro Caños e Mariscadores a pé O Cerredo, así como a colaboración da Consellería do Mar e do Xacobeo 2027.
Na presentación da festa, celebrada na lonxa, estiveron presentes representantes de Catro Caños e do Cerredo, xunto ao alcalde, Dani Vega, e as concelleiras de Benestar Social, Seguridade e Cultura, Elena Sierra, Montse Seijo e Begoña Sanjurjo.
