O suceso produciuse poucos minutos despois das seis da tarde cando un vehículo e un ciclista chocaron. Ata o lugar desprazáronse efectivos de Urxencias Sanitarias, Protección Civil de A Pontenova, o Ges e tamén a Garda Civil de Tráfico.
Segundo puido saber este medio, o accidente non foi grave, aínda que a persoa ferida, que era a usuaria da bicicleta, foi trasladada a un centro sanitario para unha revisión completa.
A vítima sufría un golpe nun brazo, unha perna e na cabeza, pero en todo momento estivo consciente. No coche accidentado resultou danada a defensa.
