A proba, xa consolidada no calendario deportivo do municipio, busca promover a vida saudable, o contacto coa contorna natural e a dinamización veciñal. O circuíto chega a Celeiro de Mariñaos coa emoción das clasificacións xerais, onde as diferenzas son mínimas.
A xornada comezará ás 10:30 horas cunha andaina popular de 8,6 km e 5,6 km, deseñada para gozar da paisaxe da ribeira do río Masma. A partir das 11:00 horas, haberá carreiras adaptadas para as categorías de menores, e ás 12:00 horas sairá a carreira absoluta de 5.600 metros. Todo o evento terá como punto de encontro as Escolas de Celeiro de Mariñaos.
Ademais de medallas e trofeos, a proba contará coa colaboración de ASOPORCEL, patrocinador do circuíto, que entregará obsequios aos gañadores absolutos e ao equipo vencedor.
As inscricións para a carreira e a andaina están abertas ata o xoves, 5 de novembro, a través da plataforma oficial do circuíto en www.maiskmsbarreiros.gal. O Concello convida a veciños e afeccionados a desfrutar dunha xornada festiva e deportiva.
