O suceso tivo lugar pouco antes das 14:30 horas. Segundo informou o Centro Integrado de Atención ás Emerxencias 112 Galicia, a muller foi retirada da auga e recibiu as primeiras manobras de reanimación cardiopulmonar sobre a area por parte dos equipos de socorrismo presentes no areal.
Ata o lugar desprazáronse efectivos de Urxencias Sanitarias 061, membros de Protección Civil de Viveiro, así como axentes da Policía Local e da Policía Nacional. A muller foi trasladada nunha ambulancia medicalizada ao centro hospitalario, onde ingresou con pulso tras a intervención dos servizos de emerxencia.
