A festividade, unha das máis características do verán na comarca, arrincará ás dez da mañá coa recepción do gando participante. Unha hora máis tarde, celebrarase unha misa.
Á unha e media da tarde terá lugar unha sesión vermú. Durante toda a mañá, desenvolverase o concurso gandeiro de reses cabalares e vacúas, un dos puntos fortes da xornada.
Pola tarde, a partir das cinco e media, comezará unha sesión musical que se estenderá ata a noite. Ademais, celebrarase un concurso de marcha para os xinetes que acoden coas súas cabalerías a esta cita tradicional.
