O proxecto conxunto priorizou o uso do granito para o pavimento e a incorporación dunha zona verde destinada á cidadanía. Ademais, reutilízase o mobiliario xa existente e engádense tres árbores para proporcionar sombra ao novo espazo.
“"Con esta pequena actuación vaise dar unha nova vida a unha zona que estaba practicamente sen uso, gañando un novo espazo para desfrutar no centro da vila."
A rexedora socialista, Carmela López, engadiu que a idea é que este contorno se converta nun lugar "vivo", non só un punto de paso, senón un sitio onde "apetza quedar, estar á sombra ou simplemente de contemplación", aproveitando ademais elementos xa dispoñibles.
Esta mellora, aínda que sinxela, busca ser efectiva. A nova ordenación da área tamén facilitará a apertura visual do espazo, integrándoo na vida cotiá da veciñanza. López subliñou que, en ocasións, non son necesarias grandes transformacións para revitalizar un lugar con potencial, devolvéndoo á xente.
