En Viveiro, a cantante Sabela dará comezo á xira do seu novo EP, Bríllanche os olliños, cun concerto o sábado 9 ás 22.00h na Sala La Conservera. Ese mesmo día, a partir das 18.00h, celebrarase a III Foliada do Maio organizada por Pensamento e Sementeira, que incluirá un obradoiro de baile e actuacións musicais na Escola vella de Galdo. O domingo 10, Galdo acollerá a tradicional Feira das Maulas dende as 09.00h, con gando equino e bovino, animación musical e competicións de cabalos, ademais dun partido de fútbol feminino no Campo de Trasvías.

Burela ofrecerá un espectáculo de música e improvisación a cargo do artista David Puerto, titulado Bien0, o sábado 9 ás 20.00h na Casa da Cultura. Mentres tanto, en Ribadeo, a Praza de Abastos será o escenario dunha masterclass sobre viños o mércores 6 ás 12:00h, impartida por un sumiller. O sábado 9, os Cantos de Taberna encherán os bares da localidade dende as 20.00h, e haberá unha representación teatral en Cubelas ás 19.30h. O venres 8, o Auditorio Municipal acollerá un festival con motivo do Día da Danza, organizado pola Escola Municipal de Música e Danza, e a Biblioteca Municipal presentará o cómic O día de San Martiño ás 20.30h.

Na localidade de Foz, a Biblioteca Municipal acollerá a presentación da última novela de Paco Rivas, Bóreas, o mércores 6 ás 20.00h. O venres 8, a iniciativa En marcha contra o cancro da AEFF comezará unha ruta saudable dende o muelle de A Ribeira ás 19.00h. O domingo 10, Vilaronte será o punto de encontro para o mercado popular Aos pés de Cornería, que abrirá ás 10.00h con venda de produtos locais, actividades infantís e actuacións musicais. Finalmente, en Vegadeo, o IES Elisa y Luis Villamil acollerá unha charla sobre o uso seguro e responsable de videoxogos o xoves 7 ás 17.00h.