O ministro de Asuntos Exteriores, Unión Europea e Cooperación, José Manuel Albares, desprazarase este sábado á Fonsagrada para asistir á inauguración do Museo de Forges. O acto está previsto que comecen ás 12.30 horas.
A xornada será conducida polos xornalistas locais Ana Amieiro e Roi Fernández. Tamén intervirán os arquitectos Adrián López e Daniel Gómez, membros da familia do humorista gráfico, xunto a autoridades como o alcalde do municipio, Carlos López, e o propio ministro Albares.
Posteriormente, descubrirase unha placa en homenaxe a Antonio Fraguas, coñecido como 'Forges', cuxo pai era orixinario da Fonsagrada. A continuación, realizarase unha visita guiada polas instalacións do museo.
O museo, situado no edificio do antigo consistorio, albergará unha colección permanente de traballos do humorista, cedidos pola súa familia.
