As axudas destinadas aos 21 clubs deportivos permitirán sufragar gastos de monitores, adestradores, licenzas federativas, arbitraxes, desprazamentos, material funxible e, nalgúns casos, a compra de equipamento deportivo. Ademais, o Concello pon á súa disposición de forma gratuíta unha rede de 54 instalacións deportivas municipais para adestramentos e competicións durante todo o ano.
Entre os clubs beneficiados atópanse o Club de Regatas de Perillo (31.475,48 €), o Club Hockey Oleiros (19.738,47 €) e o CD Mariñeiro de Mera (9.303,89 €), entre outros, que tamén recibiron fondos para investimentos e organización de eventos.
Ademais, resolveuse a convocatoria de subvencións individuais, repartindo 12.000 euros entre 18 deportistas de Oleiros que compiten a nivel internacional ou acadaron medallas estatais, recoñecendo o seu esforzo e resultados.
O Concello reafirma o seu compromiso co deporte como ferramenta de educación, saúde e integración, apoiando tanto o traballo dos clubs como o talento individual, con especial atención ás categorías base.




