No primeiro chamamento, a UDC adxudicou un total de 493 mobilidades internacionais. No campus da Coruña, destináronse 380 prazas Erasmus+ e 35 prazas bilaterais. Pola súa banda, o campus de Ferrol recibiu 69 prazas Erasmus+ e 9 prazas bilaterais. Adicionalmente, rexistráronse 66 solicitudes no segundo chamamento, que se xestionarán sen bolsa.
Os destinos preferidos polo estudantado para estas mobilidades internacionais foron Polonia, con 104 mobilidades, seguida por Romanía (58), Portugal (54), Italia (51) e República Checa (35).
Por centros, as facultades e escolas con maior número de estudantes en mobilidade son a Facultade de Informática (57), a Escola Técnica Superior de Arquitectura (43), a Facultade de Economía e Empresa (41), a Facultade de Ciencias da Educación (36), a Facultade de Filoloxía (32) e a Facultade de Humanidades e Documentación (32).
