A Conselleira de Vivenda e Planificación de Infraestruturas, María Martínez Allegue, xunto coa delegada territorial da Xunta na Coruña, Belén do Campo, asistiu esta mañá ao sorteo de 18 vivendas públicas na cidade. Este procedemento, realizado ante notario, inclúe por primeira vez os novos limiares de renda activados pola Xunta.
Sortearonse 14 vivendas públicas no barrio de Xuxán e outras 4 froito da rehabilitación dun edificio na rúa San Andrés, 88, todas elas destinadas a alugueiro accesible. A medida busca facilitar o acceso á vivenda pública co aumento do limiar máximo de renda ata 4 veces o Iprem, e 4,5 para familias numerosas.
No caso das vivendas de Xuxán, o 40% destinaranse a alugueiro entre menores de 36 anos. Nas vivendas da rúa San Andrés, todas serán para persoas desa franxa de idade.
A Conselleira avanzou que a Xunta prevé realizar máis sorteos despois do verán, xa que actualmente hai máis de 1.000 vivendas en marcha na cidade da Coruña.
