O prazo de matrícula para as persoas que quedaron en lista de agarda para o 1º curso do Grao Sénior na sede da Coruña, así como para o alumnado egresado da Universidade Sénior desa mesma sede, estará aberto do 23 ao 27 de xullo.
Ademais, a matrícula directa estará aberta ata o 15 de setembro de 2026 para o alumnado que finalizou o 4º curso do Grado Sénior no curso 2025/2026 e para as persoas egresadas da Universidade Sénior de cursos anteriores.
Tamén se abre matrícula directa ata o 15 de setembro de 2026 para as actividades complementarias e talleres, dirixidos ao alumnado matriculado nalgún curso oficial (1º, 2º, 3º ou 4º) e ao alumnado egresado da Universidade Sénior.
No Campus da Coruña, estas actividades complementarias inclúen obradoiros sobre 'Coidado do Benestar Psicolóxico', 'Coñecer as plantas: entre a tradición e a ciencia', 'Do texto manuscrito á escritura dixital', 'Gramática Audiovisual no Cinema', 'Lingua e Cultura Francesa', e 'Manexo avanzado de internet e ferramentas dixitais'.
Para máis información e asistencia á matriculación, os interesados poden acudir ás Secretarías da Universidade Sénior.
