Publicouse a listaxe de persoas admitidas nas Escolas Deportivas Municipais de Arteixo, como resultado do sorteo público celebrado o pasado 26 de agosto de 2026. A letra resultante dese sorteo foi a «I».
As persoas admitidas dispoñen dun prazo, dende o 1 ata o 11 de setembro, para formalizar a matrícula de cada actividade. É necesario solicitar e entregar o xustificante de pagamento exclusivamente no Servizo Municipal de Deportes. De non facelo, procederase á anulación da praza.
O recibo de pagamento poderá ser solicitado de xeito presencial no horario de atención ao público, de luns a venres de 9:00 a 14:00 horas, ou a través do correo electrónico deportes@arteixo.org. O xustificante de pago deberá ser entregado no Servizo Municipal de Deportes.
No caso de que queden prazas libres, as inscricións directas comezarán a realizarse a partir do un de outubro.
O pago do prezo público pode efectuarse nas entidades bancarias habituais ou a través da Oficina Virtual Tributaria do Concello de Arteixo.
