Esta iniciativa, impulsada pola Xunta de Galicia, busca mellorar a capacidade diagnóstica e a atención aos pacientes mediante a incorporación de tecnoloxía de vangarda. O contrato para a adquisición e instalación destes equipos xa foi licitado, cun orzamento que supera os 260.000 euros.

Entre os dispositivos que se instalarán, destacan un xerador de raios X, un colimador para controlar o feixe, un tubo de raios X con soporte telescópico de teito, unha mesa de exploración radiolóxica, un bucky mural e un detector dixital. Estes elementos configurarán unha unidade completa e eficiente para a realización de probas radiolóxicas.

As empresas interesadas en participar neste procedemento de licitación teñen de prazo ata o vindeiro 8 de maio para presentar as súas ofertas. A adxudicataria será a responsable de levar a cabo todas as actuacións necesarias para a correcta instalación e posta en funcionamento dos novos equipos no hospital coruñés.