A tranquilidade habitual dun domingo pola tarde no centro comercial Marineda City da Coruña viuse interrompida cando catro menores, cubertos con pasamontañas e armados con paus, perpetraron un roubo. Os mozos utilizaron un carriño de compras para levar o botín.
Segundo testemuñas, os establecementos situados nos pasillos, que non contan con peches de seguridade robustos senón con lonas suxeitas con cadeas, foron os obxectivos. Os delincuentes lograron acceder e subtraer diñeiro das caixas rexistradoras, bisutaría, fundas de móbiles e outros obxectos que puideron introducir no seu carriño.
A rápida intervención dos gardas de seguridade derivou nunha liorta na que polo menos un dos vixilantes resultou ferido de carácter leve. A pesar diso, conseguiron reter a un dos sospeitosos.
“"Son unha banda de Laracha."
A Policía Nacional acudiu ao lugar pouco despois e procedeu á detención do menor retido. As fontes consultadas suxiren que non sería a primeira vez que este grupo comete este tipo de actos delictivos.
