O Palacio da Ópera da Coruña será o escenario que acolla a actuación de Kiko Veneno o vindeiro 13 de novembro, ás 20.30 horas. Este concerto forma parte do ciclo A Coruña Live Xperience by CaixaBank 2026, organizado por Cávea Producciones e Terra Music.

Tras as confirmacións previas de Zucchero (2 de outubro) e The Amy Winehouse Band (3 de outubro), Kiko Veneno únese a unha proposta que busca consolidarse como un referente cultural na cidade, aportando unha oferta musical de alta calidade.

As entradas para o concerto estarán dispoñibles a partir deste martes, 2 de xuño, ás 11.00 horas, a través da plataforma Ataquilla.com e na taquilla da praza de Ourense. Os prezos oscilarán entre os 30,00 e os 35,00 euros, máis gastos de xestión.

Kiko Veneno é unha figura consolidada na música española, coñecido pola súa traxectoria independente e a súa capacidade para crear cancións únicas e persoais. A súa música caracterízase pola diversidade de estilos e letras introspectivas, que reflicten unha constante evolución artística.