O suceso tivo lugar arredor das 19:30 horas nun aparcadoiro situado nunha zona peonil entre A Gaiteira e Catro Camiños. O lume orixinouse nun colchón e en lixo acumulado nas escaleiras de evacuación do recinto.

Un equipo composto por dez bombeiros e catro vehículos desprazouse rapidamente ao lugar para controlar a situación. Segundo informaron os efectivos antiincendios, a zona onde se declarou o lume é frecuentemente utilizada por persoas sen fogar para pernoctar.

Aínda que a extinción das chamas non requiriu moito tempo, a densidade do fume acumulado no interior do aparcadoiro fixo necesario un esforzo considerable para a súa completa eliminación. No momento do incidente, non había viandantes na área afectada, o que evitou que se producisen feridos ou afectados polo fume.