Os Bombeiros da Coruña traballaron na extinción dun lume orixinado na Residencia Mentalia, un centro que acolle a persoas con enfermidades mentais. O suceso produciuse na rúa Nosa Señora do Rosario, na zona da Cidade Vella.
Segundo as primeiras informacións, o incendio non revestiu gran gravidade, xa que non se observaron chamas visibles nin rotura de cristais. Aínda así, as lapas chegaron a calcinar por completo a habitación onde se orixinou o lume.
A paciente que ocupaba o dormitorio foi trasladada ao Chuac por inhalación de fume. O seu estado é grave, pero en principio non se teme pola súa vida.
O dispositivo de emerxencia despregouse rapidamente na zona tras recibir o aviso do suceso, que tivo lugar hai escasos minutos.
