O lume orixinouse preto das 02:00 horas nunha vivenda do primeiro piso, no número Nicomedes Pastor Díaz. O fume estendeuse rapidamente polas escaleiras ao resto do inmoble, o que motivou o desaloxo preventivo dos veciños ata que os bombeiros remataron as tarefas de extinción e ventilación.
O persoal sanitario atendeu no lugar a todas as persoas afectadas. Nove delas tiveron que ser trasladadas ao Complexo Hospitalario Universitario da Coruña (CHUAC), aínda que ningunha en estado grave, segundo informou o 112 Galicia.
O incendio orixinou danos considerables na vivenda do primeiro piso, onde dúas habitacións quedaron calcinadas. O resto do edificio tamén sufriu danos polo fume. Os veciños puideron regresar ás súas casas sobre as 06:00 horas.
Ata o lugar desprazouse un operativo composto polo 061, os Bombeiros da Coruña e a Policía Local e Nacional.
