A exposición «Do mar e da terra», impulsada pola Deputación da Coruña, chegará ao Museo Arqueolóxico de Cambre do 1 ao 15 de setembro. O obxectivo desta mostra itinerante é dar a coñecer e valorar a riqueza dos sectores mariñeiro e agrogandeiro presentes na provincia.
A iniciativa busca sensibilizar á cidadanía sobre a relevancia destas actividades económicas, facendo especial fincapé na sostibilidade, a produción e o consumo de proximidade, así como na calidade dos produtos que xorden do mar e do medio rural.
A mostra está composta por sete paneis expositivos e inclúe contidos interactivos deseñados como ferramenta didáctica para achegar esta realidade á comunidade educativa.
Esta proposta cultural percorrerá diversos concellos da provincia ao longo do ano, e a súa parada en Cambre está programada para a primeira quincena de setembro.
