Durante os meses de xullo e agosto, educadores ambientais percorrerán as praias de Riazor e Orzán coas súas mochilas recolectoras para informar sobre a importancia de reciclar tamén durante os momentos de lecer. Realizaranse enquisas para coñecer os hábitos de reciclaxe dos bañistas e mellorar as campañas de sensibilización. Tamén se instalarán bandeiras de sinalización nos contedores de reciclaxe.
A concelleira de Medio Ambiente, Yoya Neira, destacou a importancia do compromiso cidadán na correcta separación de residuos, especialmente en contornas como as praias e na época estival. Sinalou que estas campañas contribúen a reforzar a mensaxe para todos os usuarios dos areais, evitando residuos na praia e a contaminación do mar.
“"O compromiso de toda a cidadanía coa correcta separación de residuos debe ser máis firme aínda en contornas como as nosas praias e na época estival. Visítannos miles de persoas e estas campañas contribúen a reforzar a mensaxe para todos os usuarios dos nosos areais e evitar non só os residuos na praia, senón a contaminación do mar e o risco para a biodiversidade e a economía ligada ao litoral."
