A investigación iniciouse despois de que os responsables da instalación presentasen unha denuncia ao detectar que os cadeados estaban fracturados e as portas do recinto abertas. Tras comprobar a falta de diverso material almacenado, os axentes iniciaron as pescudas para localizar ao responsable.
Segundo informaron fontes da Garda Civil, o autor aproveitaba a ausencia de persoal e a escasa afluencia de xente na zona para acceder ao recinto. As imaxes captadas polas cámaras de seguridade foron determinantes para identificar tanto o vehículo utilizado como ao sospeitoso, que actuaba a cara descuberta.
Os investigadores puideron constatar que o detido, que conta con numerosos antecedentes por feitos similares, vendera lotes de chatarra que coincidían cos electrodomésticos e outros obxectos subtraídos nas instalacións. O punto limpo afectado presta servizo a seis concellos: Pastoriza, Riotorto, A Pontenova, A Ribeira de Piquín, Meira e Pol.
“"As xestións practicadas polos axentes permitiron determinar o vehículo utilizado, así como a identidade da persoa implicada nos feitos, grazas á análise das imaxes captadas polas cámaras de seguridade das instalacións."
Tras a súa detención, o home e as dilixencias policiais foron postas a disposición xudicial para continuar co proceso legal correspondente.
